თბილისის მოკლემეტრაჟიანი ფილმების საერთაშორისო ინტერნეტ ფესტივალი „დიოგენე 2022“ მესამე წელია არსებობს
ჩვენი ინტერნეტ ფესტივალის მთავარი მიზანია გაუწიოს პროპაგანდა დაბალბიუჯეტიან მოკლემეტრაჟიან კინო წაემოებას;
ფესტივალის ამოცანაა შეარჩიოს, სამართლიანად შეაფასოს და მრავალრიცხოვან ინტერნეტ მაყურებელთან რეკომენდაცია გაუწიოს ისეთი ფილმებს, რომლებიც ჟანრის მიუხედავად თხუთმეტი წუთის ფარგლებში ჰყვებიან სადა, მარტივი, კინემატოგრაფიული ხერხებით შექმნილ საინტერესო, და მრავალფეროვან ისტორიებს.
„თუკი არ შეიძლია მარტივი ხერხებით გადმოიცეს საინტერესო ისტორია 15 წუთის ფარგლებში, მაშინ ან ისტორია არ არსებობს, ან მთხრობელია ცუდი.“ – ესაა ფესტივალის შექმნის საფუძველი.
გიწვევთ ყველა რეჟისორს ჩვენს ფესტივალზე მონაწილეობის მისაღებად.
წლევანდელი ფესტივალის დევიზია “სიყვარული აღგვამაღლებს”.
- ფილმების მიღება დაიწყება 2022 წლის 18 იანვარს, დასრულდება 18 ოქტომბერს.
- ფესტივალი ოფიციალურად გაიხსნება 16 ნოემბერს და საზეიმო დაჯილდოება და დახურვა დაგეგმილია 2022 წლის 27 ნოემბრისთვის (ნაწილობრივ ონლაინ ფორმატში).
ფესტივალზე შემოსული ფილმები გაივლიან ორ შესარჩევ ტურს და მხოლოდ ამის შემდეგ მოხვდებიან ძირითად საკონკურსო პროგრამაში. ამ გადარჩევას აწარმოებს ობიექტური და კომპეტენტური კომისია.
საკონკურსოდ შერჩეული ფილმების ლინკები განთავსდებიან ფესტივალის ოფიციალურ ინტერნეტ გვერდებზე (ფესტივალის საიტზე, ფესტივალის ფეისბუქვერდზე).
წარმოდგენილ ფილმებს საკონკურსოდ გადაარჩევს პროფესიონალებისგან დაკომპლექტებული კომისია და საუკეთესო ნამუშევრებს პრიზებს და დიპლომებს გადასცემს კომპეტენტურ ჟიურის.
კონკურსში მონაწილე ფილმები შესაძლებელია იყოს შესრულებული ნებისმიერ ციფრულ ფორმატში (მათ შორის, დაშვებულია ვერტიკალური ფორმატიც, ანუ ფილმები, გადაღებული ვერტიკალურად დაჭერილი სმარტფონებით).
გამარჯვებული ფილმები დასახელდებიან ჟანრების მიხედვით – მხატვრული, დოკუმენტური, ვიდეო არტი/ანიმაცია, ექსპერიმენტული.
ფესტივალის ჟიურის მხრიდან გამარჯვებული ფილმებისთვის გაიცემა 4 (ოთხი) მთავარი პრიზი და 5 (ხუთი) დიპლომი.
დაწესებულია 1 (ერთი) სპეც-სპეციალური პრიზი და 1 (ერთი) სპეც – დიპლომი „სერენადა“, რომლის ღირსეული მფლობელს ადგენს საქართველოს კინოაკადემიის კომისია.
ასევე გენერალური სპონსორების მხრიდან შემოღებულია 3 (სამი) წამახალისებელი დიპლომები, საუკეთესო ფილმებისთვის.
ასევე დაწესდება მაყურებლის სიმპათიის პრიზი. ამ პრიზის მფლობელი გაირკვევა ფეისბუქზე და იუთუბზე მაყურებელთა შეფასებების რაოდენობის – ღიად დათვლის მეთოდით.
პირობები:
- ფესტივალში მონაწილეობის მსურველები უნდა დარეგისტრირდნენ ფესტივალის ოფიციალურ ვებ-საიტზე რეგისტრირება და უნდა შეავსონ განაცხადის ფორმა.
- ფილმის ხანგრძლივობა უნდა იყოს 30 წამიდან – 15:00 წუთამდე.
- კონკურსზე წარმოდგენილი ფილმი უნდა პასუხობდეს კინოს კანონებს. სატელევიზიო პუბლიცისტური ფორმატის გადაცემა – ფილმები ფესტივალის ფარგლებში ამ ეტაპზე არ მიიღება და არ განიხილება.
- ფილმს უნდა ახლდეს სუბტიტრები ინგლისურად – იმისთვის, რომ ავტორის/დიქტორის ტექსტი თუ გმირთა დიალოგები გასაგები გახდეს საერთაშორისო ჟიურის წარმომადგენლებისთვის.
- წარმოდგენილ ფილმებს თან უნდა ერთვოდეს შემდეგი ინფორმაცია: ავტორ(ებ)ის გვარი, სახელი, ავტორ(ებ)ის 2 ფოტო (1200 dpi გარჩევადობის), საკონტაქტო მონაცემები, ქვეყანა და 3 ფოტოკადრი საკონკურსო ფილმიდან (1200 dpi გარჩევადობის ).
- თემა თავისუფალი, თუმცა მოქმედებს გარკვეული შეზღუდვები (არა ძალადობას, არა ტერორიზმს, არა სეპარატიზმს, არა რელიგიურ და ეთნიკურ შეუწყნარებლობას).
- ერთი ავტორი წარადგენს არა უმეტეს ორი ფილმისა.
- ყველა ჟანრი მისაღებია, გარდა მოსაწყენისა.
- გამოსახულება უნდა ჩანდეს და ხმა უნდა ისმოდეს.
- Diogenes 2022 ონლაინ ფორმატის გამო ავტორებმა უნდა მოგვაწოდონ ფილმების ლინკები და პაროლები ფესტივალის ოფიციალური ინტერნეტ-პლატფორმებიდან მათი საჯაროდ ჩვენებისათვის
- ფილმი უნდა იყოს გადაღებული 2021 -2022 წლებში.
- ფესტივალში მონაწილეობა ფასიანია, გადასახადი შეადგენს აშშ 5$-ს ან 4 €. ამასთან, რამდენადაც ფესტივალი ხორციელდება თბილისის მერიის მხარდაჭერით, ამდენად საქართველოში, ან საქართველოსთან ერთად წარმოებული (კოპროდუქცია) ფილმებისთვის,—რეგისტრაცია უფასოა.
დამატებითი შეკითხვების წარმოშობის შემთხვევაში მოგვმართეთ საიტზე: https://diogenesfest.com
ფესტივალის ფეისბუკის ოფიციალურ გვერდზე: @DiogenesGeorgia/
ელექტრონულ ფოსტაზე: [email protected]
ან დაგვიკავშირდით ტელეფონებზე:
+995 595 55 94 99 – ქართულად
+995 551 23 09 62 – ინგლისურად
